समझदारीले सहयोगी बनायो मेरो श्रीमानलाई
– पवन न्यौपाने
मेरो नाम ल्हामो तामांग हो। म सिन्धुपाल्चोक जिल्ला ईचोक गाबिस वडा नम्बर २ मा बस्छु। मेरो घरमा श्रीमान ३ वटी छोरी छौं। हामी ५ जना छौं। रेडियो कार्यक्रम समझदारी म नियमित रुपमा सुन्छु मेरो श्रीमानले पनि सुन्नुहुन्छ। यो कार्यक्रम सुनेर मिलेर काम गर्नुपर्ने रहेछ श्रीमान श्रीमती दुईटै मिलेर काम गर्नुपर्ने रहेछ भनेर हामीले बुझ्यौं। एउटाले एउटा काम गर्ने अर्कोले अर्को काम गर्ने मिलेर काम गर्ने र झगडा नगर्ने भन्ने बुझ्यौं। मैले पनि त्यहि बुझयो मेरो श्रीमानले पनि त्यस्तै बुझनुभएको छ।
यो रेडियो कार्यक्रम समझदारी सुनेदेखी पहिलेभन्दा मेरो श्रीमान पनि निक्कै समझदार हुनुभएको छ। बुझेको छ।समझदारी सुनिरहेको समयमा त्यो श्रीमान श्रीमती मिलेर दुईटै सल्लाह भएर यौन ब्यबहार गर्नुपर्छ भनेर भन्दा त कोहि कोही पुरुष हरुत जुरुक्क उठेर जाँदो रहेछ है शर्म मानेर । बुझदै नबुझीकन गएको होला त्यल्ले बुझेन अनी गयो। मेरे श्रीमानले चाहिँ बुझेर पुरै सुनिरहनुहुन्छ। अनी सुनिसकेपछि सबै बुझेर यस्तो रहेछ भनेर सल्लाह गर्नुहुन्छ।

समझदारी सुन्न थालिसकेपछि त मेरो श्रीमानमा अरुपनि धेरै परिवर्तन आएको छ। आजकल त वहाँ मलाई घरको काममा पनि सघाउनुहुन्छ। मैले भात पकाएँभने वहाँले भाँडा धुनुहुन्छ मैले भाँडा धोएँभने वहाँले भात पकाउनुहुन्छ । म काहिँ जानुपर्ने ठाउमा तालिमहरुमा जान्छु भन्दा जान दिन थाल्नुभएको छ रेडियो कार्यक्रम सुनेपछि। अरुहरुको श्रीमानहरुले त तालिममा जान पनि दिदैन , काम छाडेर कहाँ तालिम सालिममा जाने भनेर कुरा गर्छ। तर मेरो बुढाले त जानु बुझनु सुन्नु भनेर पठाईरहनुभएके छ।

एकपटक म बनेपामा तालिममा गएको थिएँ। तर त्यो बेला श्रीमान घरमा हुनुहुन्न्थ्यो। त्यो बेला ४ दिन तालिममा बसेर घर फीर्दा ससुराले यति ३ ४ दिनसम्म को संग बसेर आयो तिमी राम्रो काम गरेर त आएको होईन भनेर मलाई हिँसा गर्नुभयो। अनी यो कुरा मैले मेरो श्रीमानलाई सुनाएँ। श्रीमानले बुबाले नबुझेर भनेकेा होला म भन्दीन नी भनेर भन्नुभयो।

छोराछोरी पाएर हामीले मात्र दुख गरेर स्याहार गर्ने होईन बाबुले पनि स्याहार गर्नुपर्छ।घरको काम बाहिरको काम दुबै दुईटै मिलेर गर्नुपर्छ भन्नेकुरा अनी हिँसा के हो , हिँसा गर्दा कस्ता कस्ता कानुनहरु रहेछ भन्ने कुरा पनि तालिमबाट मैले बुझेँ। अनी यो कुरा मैले श्रीमानलाई पनि सुनाएँ। वहाँले पनि मैले सुनाएपछि धेरै कुरा बुझनुभयो। आजकल त मेरो श्रीमानले मेरो हरेक काममा सहयोग गर्नुहुन्छ।
श्रीमती तामागले समझदारीका सामुदायिक सम्बाददाता कमला भडारीसंग गरेकेा कुराकानीमा आधारित।